幾經辛苦，搭左五個鐘頭車之後，就到左新加坡。去酒店放低行李之後，我們就去左唐城坊嘅呢間松發肉骨茶食午餐。呢間店都好多人幫襯，我們係外面排左一陣隊先入座。

1. Pork rib soup
今次係第一次食肉骨茶，呢碗肉骨茶真係好好味。湯底係用好多藥材加埋胡椒煮的，飲到底會有好多胡椒，胡椒味濃。啲肉骨咬落去超級林，仲有肉味，真的超正。

2. Pig’s liver soup
一上檯係紅紅地生生地浸左係湯入面嘅豬潤。見到咁血水，不過碌碌下會熟嘅豬潤，我就無試到，不過團友話好好味。

3. Mee sua plain
係一碗碗嘅麵線，好大碗，啲湯係肉骨茶個啲湯來。啲麵好滑好好食，配合埋啲湯係一流。有啲人唔揀麵線會揀左飯的，都係睇返個人喜歡用啲咩來送肉骨茶。

4. Roasted pork belly
呢碟燒肉燒得幾好，脆卜卜，食落仲有啲肉汁支哂出來，不錯。

5. Braised pork belly
呢碟扣肉無咩特別，做得幾林幾入味，都唔錯。

6. 五香肉卷
佢係炸嘅，食落食唔出入面有咩，不過點啲泰式辣醬真係好惹味！

7. 油炸鬼
浸落啲肉骨茶入面，食落外脆內軟，好正。

8. 芥蘭、菜芯、豆苗
呢啲菜炒得幾好食，不過不失嘅。

9. 鹵水蛋、鹵水炸豆腐、鹵水豆腐
呢啲就鹵得唔夠入味，可以再鹵得入味啲。

10. 鹹菜
一般般無咩特別。

肉骨茶啲湯係任加嘅，如果飲哂可以叫佢加，今次我地都叫佢加左好多次，因為太好飲了。另外，佢有個兜比食客裝骨的，十分貼心整齊。來到新加坡嘅第一餐，我覺得十分滿意。

土司工坊既早餐豐富又好食，佢既土司好新鮮香脆，芝士味既土司芝味濃郁，加央多牛油味豐富。最引人入勝嘅係佢既烚蛋，全部都烚到個蛋黃心好靚。奶茶濃厚香滑，入口是厚厚的，不錯不錯

以前以為twelve cupcakes 只有cupcakes 賣，但其實佢係有完整嘅蛋糕賣的，呢個蛋糕係特濃朱古力味嘅蛋糕，好實，味道好濃烈，甚為高質數，香港搵唔到的。

來到新加坡見到珍寶海鮮樓，當然要幫襯一下。

海鮮豆腐煲🍲
呢個豆腐煲用既係玉子豆腐，連埋帶子、冬菇及蝦等等的材料炆煮而成，味道不過不失。

娘惹炸尼羅紅🐟
呢條魚睇落好有霸氣，食落好香脆，偏乾。

咸蛋金莎炸蝦球🍤
蝦球很大粒，炸得很金黃，食落彈牙味道咸香。

沙律煙肉卷🥓
煙肉卷配沙律醬味道唔錯，很適合送飯。

咸蛋金沙魚皮🐟
魚皮炸得很香脆，金沙味咸香，停唔到口。

荔茸帶子😂
帶子彈牙，配合香香的荔芋，味道不俗。

蒜蓉炒莧菜苗🌱
蒜蓉味濃，菜苗嫩嫩的。

XO醬炒蘆笋🥬
蘆笋香脆可口，味道不俗。

這個咖啡廳的食品應有盡有，有鬆餅、喇沙麵、全日早餐、窩夫餐、蛋糕、湯及沙律等。
咖啡廳的食品上菜快，味道不俗，而且坐良久也不會被趕走，很適合談天說地，靜靜地享受人生。