呢間酒吧喺云云五光十色嘅酒吧中特別與眾不同，因為佢哋係以「空」為概念，成間店裝修設計都係走單色調、簡單形狀嘅極簡主義，令客人可以更專注於餐飲體驗上面。不過真正令呢間店喺當地人心目中有一席地位嘅原因，係因為大家都知呢度有非常獨特嘅手工啤飲，16個Tap會輪流供應風味各異嘅啤酒，要果味、要麥味定要果仁味重都有得揀！另外佢哋亦會不時加入一啲當期流行、來自世界各地知名釀酒廠嘅期間限定啤酒，想試多幾款酒嘅不妨叫埋薯條、餃子或炸雞等香口送酒小食！
立即Book檯暢飲：
https://s.openrice.com/eKbSB01Fq4200~ukPsVAA
距離三線交會多美歌地鐵站 (Dhoby Ghaut MRT Station)都只係約12分鐘步程嘅Idle Bar，向來都極受當地人歡迎，原因只要用一個字就可以簡單概括——平，所以如果係一大班朋友想搵個地方Chill吓或者識吓當地人朋友，嚟呢度真係幾唔錯！佢哋一星期只營業四日：星期三至六，基本上人人都係衝住佢哋嘅6小時任飲啤酒、烈酒同雞尾酒而嚟，但大家都可以留意返因為每日主題唔同，女仕同男仕入場價格都會變動，譬如話星期四嘅Ladies Night (女仕之夜) 就只收女仕$15新加坡幣，而男仕都係收原價$40新加坡幣。
預約定就唔怕人多冇位：
https://s.openrice.com/eKbSB01Mjm200~ukPsVAA
鍾意Gastrobar嘅氛圍多過純酒吧？咁就要留意呢間主打中西合壁Fusion菜嘅Overworked Gastrobar喇！佢哋嘅食物選擇種類好豐富，海鮮凍意粉、檸檬可樂炸雞漢堡同招牌炸薯餅(POTATO ROSTI)等特色菜都好值得一試。如果唔打算食正餐，亦可以直接選擇各種套餐，譬如話中式SET (2-3人用) 就包1大枝Asahi / Kronenbourg 1664啤酒塔、煎餃同春卷；而西式SET (2-3人用) 就有同樣嘅酒+水牛城雞翼同炸蘑菇。而每逢星期三及星期五呢度都會有現場音樂表演，時間上配合到嘅唔好錯過！
啱心水就立即預約：
https://s.openrice.com/eKbSB01SjC200~ukPsVAA
4. RedTail Bar
呢間以小熊貓 (亦稱紅熊貓；Red Tail Panda)作為店名嘅酒吧係屬於Zouk旗下，亦係呢個集團第一間餐酒吧，裝修佈局充滿玩味，旨在為一眾打算飲到深夜嘅客人嚟個熱身先！換個角度睇，亦即係平時唔夜蒲開嘅朋友大可以嚟呢度食飯飲杯Blue Spin或Velvet Rope(甚至飲無酒精飲品都冇問題！)，感受吓呢度熱鬧、歡樂嘅氣氛就離開！呢度招牌菜係香腸薯蓉，豬肉腸啖啖都會爆汁，再加埋惹味嘅蒜香薯蓉本身都夠好食，食到咁上下仲可以倒肉汁落去再轉換一次口味，難怪成為Zouk嘅經典菜，幾乎每檯必點！
預約定安排行程就更輕鬆：
https://s.openrice.com/eKbSB01BzW0W0~ukPsVAA
酒吧位置距離市中心唔遠，附近唔少Cafe、餐廳都係走時尚路線，大家大可以由街頭食到街尾，Happy Hour時間再走入嚟飲返杯！呢度單係精釀啤酒Ｍenu都有成超過20種選擇，不知從何入手嘅話就同店員簡單講吓喜好，出名熱情好客嘅佢哋會幫手搞掂哂！飲得開心時自然想食啲香口嘢，而呢度嘅食物款式都幾多屬於日本菜系如枝豆、炸雞同蒸蠔咁，想食得刺激啲，當然就要叫喇沙薄餅同用鱷魚肉製成嘅烤肉丸啦！
醉‧愛精釀啤酒就唔好錯過：
https://s.openrice.com/eKbSB011sC200~ukPsVAA