Holy Crab

營業中

休息中

黎到新加坡必食就緊係辣椒蟹🌶️🦀，本身我哋都搵緊邊間好食，朋友推介Holy Crab話好食，我哋就啦啦林約上訂位先(´▽｀).🦀星洲紅咖喱螃蟹 SG 108/kg本身想食白胡椒炒蟹，但係店員問我哋食唔食得辣我哋都食唔到太辣，佢就推介我哋食呢個紅咖喱蟹就話係得一星嘅辣度，佢個味道係好惹味好啱送飯，越食越辣但係又會食唔停口.🌽甜蜜快樂 SG 18呢款係咸蛋黃炒粟米，都係店員推薦既，點知真係有驚喜！粟米甜甜地再配咸蛋黃出奇地夾，我哋食完蟹太辣食呢個解辣岩岩好😂.🐔黑雞藥材補湯 SG 28藥材味唔算好濃幾好飲，由於我哋全日無點訓所以想飲個湯滋潤吓.🥥新鮮椰子 SG 8 椰青清甜都有得叫我就必叫(´▽｀)

Chilli crab-好食，選用阿拉斯加蟹；每隻大約1-1.5kg，可以按自己或人數食量要求服務員為你揀選大細，肉質鮮嫩可口美味；真心值得推薦，辣度分為1-5級，2級應該適合大部分可以食辣野嘅人嘅口味，至於真係食得辣嘅朋友可以試吓3級。芝麻雞-有啲過咗火候，燶燶哋；但肉質還數嫩滑。炒青菜🥬-有鑊氣；非常好食。炸饅頭-鬆化；可惜有油膱味。環境因為位處商場內，整體而言比較嘈但不過份。附近亦都有商場，飯後可以逛一下有助消化。

除了傳統或遊客必到嘅食蟹選擇，呢間其實更可考慮。要預約，用膳時間個半鐘，已足夠。個人喜歡白胡椒蟹，當然其他黑胡椒、新加坡chili等等各式烹調方法均可選擇。芝麻雞是意外的好味！海鮮煎米粉因為香港少機會食到，所以叫咗，但感覺可以有更好嘅選擇。餐廳地點方便，食完去坐Singapore Flyer係一個好好嘅飯後活動。另，Singapore Flyer可以預訂香檳席，自己人包晒一個車廂半粒鐘（轉一圈），飲一杯Moet. 可以去佢哋官網預訂。