文東記

到坊後先安頓左就同客食晚飯，旨在簡單好食就阿客話事啦，食海南雞飯！

呢間野其實都幾做遊客生意，不過價位都合理既！

各點一份海南雞飯，個油飯好食，雞無咩雞味不過勝在唔係好肥！

個梅菜扣肉有驚喜，唔油幾滑唔鞋身，比我想像中好。

點左個炸蟹餅，在泰國食個陣一食愛上，再食番好開心，做得不錯呢！

仲點左個金銀蛋浸菜，有條菜落肚真係好緊要的！

價錢都幾親民，雞呢間唔係話真係好好食，但坐得又幾舒服又做得唔錯，同朋友黎食下野又無妨呀。