F.W.T.1028的個人專頁

嚟新加坡之前，已經plan好要帶另一半嚟試試松發，佢咁中意飲潮州菜嘅胡椒豬肚湯，一定會中意新加坡嘅肉骨茶。搭地鐵嚟到克拉碼頭站上地面，發覺落大雨，好彩行過一條有蓋天橋就到松發。由於當時已過午市，我地完全唔使等位就入得去。雖然係午餐，但因為會飲好多湯，所以叫兩款都夠食，亦冇叫最傳統嘅排骨，叫了豬肚同豬尾湯。湯同飯一上檯，就急不及待拎隻匙羹試試湯底，胡椒湯夠香，又唔會太辣，一啖湯一啖飯唔覺唔覺成碗飯好快食晒。豬肚吸了湯的味道，又煮得夠腍，豬尾就煙煙靭靭湯差不多飲完侍應會拎一個水壺過嚟，其實入面係胡椒湯，免費添飲。我地添左一次，由於一陣要飲手工啤，所以都唔可以再添。另一半說如果旅程安排可以的話想再吃多次呢…查看更多

嚟過三四次新加坡，每次都會嚟烏節路，街就冇乜好行，都係想食嗰幾樣嘢，義安城榴槤班戟同隔離商場Food Republic 嘅福建炒蝦麵。呢個炒蝦麵店有冇其他嘢食我唔知😆因為每次只叫大中或細炒蝦麵。好似好多其他店嘅做法，一隻好大嘅鐵鑊，每次炒一大堆，再用類似竹葉嘅兜兜住，呢間有埋青檸，辣醬放一旁。話明炒蝦麵，細碟嘅都有好幾隻蝦，有鮮味的，不會似揚州炒飯那些用嘢醃到只係爽而完全冇鮮味的。個粉啲汁味道剛好，濕濕地，加青檸同辣醬更開胃。呢種麵係cut開短短地，所以用匙羹食，可以食埋啲汁添，不過食完一陣係會覺得口渴的⋯⋯⋯…查看更多