Red House Seafood (已結業)

平常香港人去新加坡食胡椒蟹, 基本上離唔開 Jumbo! 係好食既, 不過係比遊客食 lor…老闆上次試過小紅樓, 話今次要帶我試試, 同 Jumbo 比較一下! 一上菜就知好過 Jumbo 好多啦, 我個人喜愛偏乾身無乜汁的! 醉蝦, 勁好味! 酒精敏感的我都飲晒碗湯, 蝦非常爽口彈牙, 湯清甜! Spinach Tofu ~ 呢個好食! 好幼滑既豆腐包粉, 沾紫菜炸, 再用上湯燴, 必點! Jumbo 都有呢味餸, 用上玉子豆腐比較滑, 但小紅樓呢款食落口會比較實在!最期待當然係胡椒蟹, 肉質厚而實淨, 不過蟹蓋完全無蟹糕! 蟹鉗卜得唔夠碎, 無咁入味仲有 d 難鉗! 個胡椒汁好香, 都係有種磨菇味, 但又未至於食到停唔到口! 炸物拼盤, 有墨魚滑釀油炸鬼, 豆腐, 蝦餅! 爽口彈牙, 不過無乜特別! 炸雞更是失色之最! 最後食埋個甜到漏的芋蓉銀杏甜品, 飽到一個點!