【新加坡中區】【福勁】被新加坡朋友知道咗我做 foodie 之後，大家對於飲食都有種無名嘅壓力，而紓解壓力嘅方法當然係享受美食。嚟到個名好有趣嘅餐廳 Fook Kin 試吓係咪真係咁好食。入到去就被佢哋嘅氛圍同埋裝修所吸引，就算嘢飲隻杯都一樣咁別出心裁，好期待啲食物。

先試 S$29 嘅「Char Siew」同 S$28 嘅「Roast Pork」，兩者都係 300g 嘅中 size。前者係整得好焦香而濃郁蜜糖味嘅叉燒，後者係燒到皮脆肉嫩嘅燒肉。兩款肉類嘅口感同層次都相當分明，啱啱好，唔會過老或者過嫩，有啲香港嘅餐廳都未必做到呢個水準。

跟住試兩款炭火燒鴨，兩款都要 boneless 嘅去骨版。S$22 嘅「Charcoal Roast Duck 1/4 Lower」即係下莊，加埋「Sweet Sour Plum Sauce」即係酸梅醬就夠晒惹味喇。而「Charcoal Roast Duck 1/4 Upper」嘅上莊位就收 S$18，呢碟點「Dang Gui Sauce」。

佢係一個當歸味嘅醬，當歸味唔會影響到燒鴨嘅味道，正。之後試 S$11.3 嘅「Kang Kong」，揀咗 Sambal Fried 就變咗勁辣嘅通菜，嗜辣嘅朋友啱晒。五穀類有 S$10.8 嘅「Seafood Curry Mama」，係一個好香濃嘅咖哩麵，麵底就揀咗 Mama Mee，好有趣。

另外加 S$3 可以有多碗「Mince meatee Pok」，係 with Chili 嘅，朋友都話好食同埋抵食。嘢飲朋友飲 S$3 嘅「Ice Tea」，我飲 S$7 嘅「Ice Tea with Sorbet Lychee」，差唔多嘅嘢，都幾好飲，只係我個杯多粒荔枝雪葩，飲到最後好似多咗荔枝飲品咁。

食食吓由於個菜對我嚟講有啲辣，就試多款飲品，叫咗 S$4.6 嘅「Passion Fruit Soda」，正正常常嘅熱情果梳打一杯。價錢係 S$163.9，喺呢個地段嚟講，三個人食晚飯唔算貴。同埋佢哋有侍應識廣東話，溝通完全冇問題，令餐飯嘅氣氛更加溫情洋溢。。。

（地址：111 Killiney Rd, Singapore, 239550）

@fook.kin

#1amfoodie #foodie #love #eat #1am新加坡 #新加坡 #fookkinsg #福勁 #新加坡美食 #FookKin #福劲 #SeafoodCurryMama #CharSiew #叉燒 #RoastPork #燒肉 #CharcoalRoastDuck #燒鴨 #KangKong #MincemeateePok #IceTea #PassionFruitsoda #1am1329 #1ambackup

【新加坡中區】【朋友小廚】我去過 n 次新加坡，但係今次都係第一次寫用餐體驗。點解會揀呢間嚟寫，當然亦都係有好特別嘅原因啦，因為今次呢個飯局坐埋五個人都有幾款護照而餐飯居然係由我發辦，咁當然係食港式啦。喺新加坡要搵一間正宗嘅港式餐廳都唔容易，而呢間就係喇。

試啲小菜先，有 S$24 嘅「避風塘蝦碌」同 S$18 嘅「芥末牛柳粒」，前者唔辣，後者小小辣，都好滋味。農作物就試各 S$15 嘅「蒜炒台灣豆苗」同「小炒皇」，前者真係港式嘢嚟，好難喺新加坡食到，後者都炒得好好，呢兩碟我哋都係秒清，我都係咁食。

想試埋 S$8 嘅「蠔油生菜」但我講得唔好變咗「豉油生菜」，都食到啲生菜係靚嘢嚟。跟住試埋 S$12 嘅「港式鮮蝦雲吞麵」，味道好，隻碗仲要勁港式囉。跟住試啲海鮮，有 S$15 一隻嘅「蒜蓉粉絲蒸竹蚌」，即係蟶子，完全係港式做法，相當惹味，好食。

港式情懷仲有 S$4.6 嘅「菠蘿油」同 S$2.2 嘅「酥皮蛋撻」，而新派菜式就有 S$7.6 嘅「豬排菠蘿包」同 S$7.8 嘅「流沙西多士」。唔知點解覺得佢哋個菠蘿包特別好食，原來係佢哋自己做嘅，唔怪得。而個西多就係流沙鹹蛋黃，亦都非常邪惡，大家係咁食。

飯後甜品試咗各 S$5 嘅「香滑鮮奶燉蛋」同「自磨芝麻糊」，兩者都唔錯。飲品方面我哋分別試咗 S$4.8 嘅「椰香紅荳冰」、各 S$4.2 嘅凍「自泡檸檬茶」同凍「朋友奶茶」、S$4.6 嘅「咸檸蜜」同 S$3.6 嘅熱「自泡檸檬茶」，都係相當港式嘅製作，勁有 feel。

佢哋呢間餐廳係兩層嘅設計，包括咗樓下嘅茶餐廳同埋樓上嘅酒吧設計，坐樓上或者樓下都可以食小菜。我哋坐樓上聽住廣東歌，好似置身香港咁，可惜聽到佢哋好似話四月尾就結業。然而佢哋仲有一間純茶餐廳喺 Yishun 嗰邊，叫「朋友冰室」，可以支持吓。。。

（地址：78 Neil Rd, Singapore 088841）

@friendskitchenhk

#1amfoodie #foodie #love #eat #1am新加坡 #新加坡 #friendskitchenhk #朋友小廚 #港式 #新加坡港式菜 #香港菜 #避風塘蝦碌 #芥末牛柳粒 #蒜炒台灣豆苗 #小炒皇 #豉油生菜 #港式鮮蝦雲吞麵 #蒜蓉粉絲蒸竹蚌 #菠蘿油 #酥皮蛋撻 #豬排菠蘿包 #流沙西多士 #香滑鮮奶燉蛋 #自磨芝麻糊 #椰香紅荳冰 #自泡檸檬茶 #朋友奶茶 #咸檸蜜 #檸水 #1am1326 #1ambackup